ام آباد (نمائندہ خصوصی) – پیٹرول اور ڈیزل کی مصنوعات کی قیمتوں میں آج (منگل) مزید کمی کا امکان ہے، جس کا اطلاق 5 اگست سے ہوگا۔ میڈیا رپورٹس کے مطابق پیٹرول کی قیمت میں 3.39 روپے فی لیٹر جبکہ ڈیزل کی قیمت میں 4.7 روپے فی لیٹر تک کمی کی توقع ہے۔
ذرائع کے مطابق پیٹرول کی نئی قیمت 328.56 روپے فی لیٹر ہونے کا امکان ہے، جبکہ ڈیزل کی قیمت کمی کے بعد 385.86 روپے فی لیٹر تک پہنچ سکتی ہے۔
یاد رہے کہ حکومت نے ایک روز قبل بھی پیٹرولیم مصنوعات کی قیمتوں میں کمی کا اعلان کیا تھا، جس میں پیٹرول کی قیمت 4.8 روپے اور ڈیزل کی قیمت 2.45 روپے فی لیٹر کم کی گئی تھی۔
ماہرین اقتصادیات کے مطابق عالمی منڈی میں خام تیل کی قیمتوں میں کمی اور ڈالر کے مقابلے میں روپے کی قدر میں بہتری قیمتوں میں کمی کی بڑی وجوہات ہیں۔ صارفین نے اس پیش رفت کو خوش آئند قرار دیا ہے، تاہم تاجر برادری کا کہنا ہے کہ مہنگائی میں مجموعی کمی کے لیے دیگر اشیاء کی قیمتوں میں بھی کمی لائی جانی چاہیے۔
تبصرے لوڈ ہو رہے ہیں…